Ես Իրանի «բանկիրն» եմ, վերահսկում եմ նրանց փողերը․ ԱՄՆ նախագահ
Մենք Իրանի հարցում ունենք 3 ռազմավարություն. հայտարարել է ԱՄՆ նախագահ Դոնալդ Թրամփը։
«Առաջինը՝ շարունակում ենք անել այն, ինչ հիմա ենք անում. պարզապես նայում ենք, թե որքան վատ են նրանց գործերը, քանի որ նրանք ունեն 300% գնաճ: Նրանց արժույթը գրեթե արժեք չունի։ Նրանք չեն վճարում իրենց զինվորներին։ Նրանց զինվորները գնում են»,- ասել է նա։
Երկրորդը, ըստ նրա, հարվածելն է նրանց շատ, շատ ուժեղ։
«Եվ երրորդը՝ պարզապես տնտեսապես հաղթել նրանց։ Բայց մենք դա, միևնույն է, անում ենք։ Տնտեսապես նրանք խառնաշփոթի մեջ են։ Նրանք չեն կարողանում պարտքով գումար վերցնել։ Մենք վերահսկում ենք նրանց փողերը, այն, ինչ նրանք ունեին, իսկ դա շատ է։ Նրանք շատ ունեին, և մենք լիովին վերահսկում ենք այն։ Ես նրանց բանկիրն եմ։ Նրանց բանկիրը»,- ասել է ԱՄՆ նախագահը։
