Առավոտյան Իսրայելը հարձակում է գործել Իրանի ռազմական օբյեկտների վրա

Այսօր առավոտյան Իսրայելը հարձակվել է Թեհրանի, Խուզեստանի և Իլամի նահանգների ռազմական կենտրոնների որոշ զորամասերի վրա, տեղեկացնում են Իրանի ՀՕՊ ուժերը։

Նշվում է, որ հարձակումը հաջողությամբ կասեցվել և հետ է մղվել երկրի հակաօդային պաշտպանության ինտեգրված համակարգի կողմից։

«Որոշ վայրերում սահմանափակ վնասներ են հասցվել, դրա չափը ճշտվում է», – ասված է հաղորդագրության մեջ։