Գառներին արածեցնող հովիվը դի է հայտնաբերել

Արագածոտնի մարզի Նիգավան բնակավայրում հովիվը գետում դի է հայտնաբերել. փոխանցում է Shamshyan.com-ը:

Դեպքի վայր են ժամանել ՀՀ ՆԳՆ Փրկարար ծառայության Ապարանի հրշեջ-փրկարարական ջոկատի ծառայողները, իսկ մինչ այդ երկու քաղաքացի դուրս է բերել մարմինը գետից:

Դեպքի փաստով Ապարանի քննչական բաժնում նախաձեռնվել է քրեական վարույթ։

Ըստ նախնական տեղեկությունների՝ մահացածը մոտ 70-ամյա Ալեքսանդր Հ.-ն է։