Թույլ տվեք մարդասիրական օգնության մուտքը Գազա. Հռոմի պապի կոչը
Հռոմի պապ Լեո XIV-ը հորդորել է «արժանապատիվ մարդասիրական օգնություն» հասցնել Գազա և դադարեցնել ռազմական գործողությունները․ տեղեկացնում է Վատիկանի մամուլի ծառայությունը:
«Նորից եմ կոչ անում թույլ տալ մուտք գործել արժանապատիվ մարդասիրական օգնությանը և դադարեցնել ռազմական գործողությունները, որոնց գինը վճարում են երեխաները, տարեցները և հիվանդները», – Սուրբ Պետրոսի հրապարակում ելույթում ասել է նորընտիր պապը:
Նա հիշեցրել է, որ «Գազայի գոտում իրավիճակն ավելի ու ավելի մտահոգիչ և ցավոտ է դառնում», քանի որ շաբաթներ շարունակ Իսրայելն արգելել է մարդասիրական օգնության մուտքը:
