Սա Հայոց Եկեղեցու դեմ իշխանության քաղաքական արշավի բացահայտ դրսևորում է. Թաթոյանը՝ Միքայել սրբազանի գործով դատավճռի մասին
ՀՀ մարդու իրավունքների նախկին պաշտպան Արման Թաթոյանը արձագանքել է Միքայել արքեպիսկոպոս Աջապահյանին 2 տարի ժամկետով ազատազրկելու վերաբերյալ դատավճռի կայացմանը. նրա խոսքով՝ դատավճիռը իշխանության հակաեկեղեցական արշավի բացահայտ դրսևորում է, որը նաև խախտում է Սրբազանի խոսքի և կրոնի սահմանադրական ազատությունը:
«Հայաստանյայց Առաքելական Սուրբ Եկեղեցու Շիրակի թեմի առաջնորդ Գերշ. Միքայել արքեպիսկոպոս Աջապահյանին 2 տարով ազատազրկելու վերաբերյալ դատավճիռը քաղաքական հրահանգով ակնհայտ խտրական քրեական հետապնդման ու ՔՊ իշխանության քաղաքական հաշվարկների հետեւանք է:
Այս ամենն իշխանությանն անհրաժեշտ էր՝ Եկեղեցին հեղինակազրկելու ու այդ ճանապարհին Եկեղեցու դեմ Կառավարության ղեկավարի նախաձեռնած քաղաքական արշավի արհեստական հիմքեր ստեղծելու համար», – նշված է հայտարարության մեջ։
