Իսպանիայում ներկայացվել է Եվրոպայի առաջին ինքնավար ռազմական շարասյունը

Եվրոպայի առաջին լիովին ինքնավար ռազմական շարասյունը վերջին փորձարկումներն է անցել Իսպանիայում․ գրում է Euronews-ը։

Սևիլյայում կայացած ցուցահանդեսում Եվրամիության կողմից ֆինանսավորվող նախագիծը ցուցադրել է ինքնավար ցամաքային տրանսպորտային միջոցների շարք, որն աշխատում է արհեստական բանականություն (AI) օգտագործող նավիգացիոն համակարգով։

Նախագիծը կոչվում է «Convoy Operations with Manned-unManneD Systems» կամ «COMMANDS կոնսորցիում» և համակարգվում է իսպանական Sener ավիատիեզերական և պաշտպանական ընկերության կողմից։

Ծրագիրը Եվրոպական պաշտպանության հիմնադրամից ստացել է 24.8 միլիոն եվրոյի ֆինանսավորում։