Ֆրանսիան պետք է լքի ՆԱՏՕ-ն և բանակցի Ռուսաստանի հետ․ ֆրանսիացի գործիչ
«Անհնազանդ Ֆրանսիա» ձախակողմյան կուսակցության հիմնադիր Ժան-Լյուկ Մելանշոնը հայտարարել է, որ երկիրը պետք է դուրս գա ՆԱՏՕ-ից և երկխոսություն սկսի Ռուսաստանի հետ․ գրում է Le Figaro-ն։
«ՆԱՏՕ-ի անդամ մնալու կամ որևէ նոր ռազմական կոալիցիաների միանալու մասին խոսք լինել չի կարող, ինչպիսիք են Ավստրալիայի, Նոր Զելանդիայի և Միացյալ Թագավորության կողմից Ասիա-խաղաղօվկիանոսյան տարածաշրջանի խնդիրները լուծելու համար համախմբվողները»,- հայտարարել է Մելանշոնը։
Նա նաև խոսել է Ռուսաստանի հետ բանակցություններ սկսելու անհրաժեշտության մասին, որոնք թույլ կտան փոխադարձ երաշխիքներ ստանալ Ուկրաինայում հակամարտության ավարտից հետո հետագա զարգացումների վերաբերյալ։
Մայիսի 3-ին Մելանշոնը TF1-ի եթերում հայտարարել է, որ 2027 թվականին մասնակցելու է Ֆրանսիայի նախագահական ընտրություններին։
Վերջին նախագահական ընտրություններում Մելանշոնը առաջին փուլում ստացել է ձայների 22 %-ը՝ զբաղեցնելով երրորդ տեղը, զիջելով Լե Պենին և գործող նախագահ Էմանուել Մակրոնին, և, հետևաբար, չի անցել երկրորդ փուլ։
