Օգոստոսին Եվրոպայում շոգը կարող է ավելի սաստիկ լինել, քան հուլիսին էր

Եվրոպան պատրաստվում է «նորմալից ավելի տաք» օգոստոսի՝ իրար հաջորդած մի շարք ջերմային ալիքներից հետո։ Մայրցամաքի մեծ մասը դժվարանում է հաղթահարել այս իրավիճակը, քանի որ վերջին շաբաթներին ջերմաստիճանը եղել է 40°C-ից բարձր՝ ստեղծելով իդեալական պայմաններ անտառային հրդեհների համար, որոնք Ֆրանսիայում և Իսպանիայում հսկայական տարածքներ են ընդգրկել՝ հարյուր հազարավոր քաղաքացիների ստիպելով հեռանալ տներից․ գրել է Euronews-ը։

Սակայն նախնական կանխատեսումները զգուշացնում են, որ հնարավոր են նոր ջերմային ալիքներ։

WFY24-ի օգոստոսի առաջին օրերի կանխատեսումների համաձայն՝ Նեապոլում, Բարսելոնայում, Հռոմում, Վալենսիայում, Նիսում, Սալոնիկում, Սպլիտում և Աթենքում ամեն գիշեր ջերմաստիճանը կպահպանվի 20°C-ից բարձր: Սա դասակարգվում է որպես արևադարձային գիշեր, որը կարող է մեծացնել ուժեղ ջերմային սթրեսի ռիսկը, մասնավորապես՝ խոցելի բնակչության շրջանում:

Ավելի հյուսիսում սպասվում են այրող ջերմաստիճաններ: Մեծ Բրիտանիայի օդերևութաբանական ծառայությունը զգուշացնում է, որ օգոստոսին սպասվում է 35°C առավելագույն ջերմաստիճան։

Շոգը կհասնի անգամ Եվրոպայի ավելի հյուսիսային շրջաններ։ Մեծ Բրիտանիայի օդերևութաբանական ծառայությունը (Met Office) նախազգուշացնում է, որ օգոստոսին օդի ջերմաստիճանը կարող է հասնել 35°C-ի։

«Ջերմաստիճանը, ամենայն հավանականությամբ, կլինի սեզոնային նորմայից բարձր, և հնարավոր են շոգի երկարատև ալիքներ, հատկապես երկրի հարավային շրջաններում»,-  նշվում է ծառայության երկարաժամկետ եղանակային կանխատեսման մեջ։