ԵԱՀԿ գործող նախագահն Ադրբեջանում է՝ Հարավային Կովկասում խաղաղության, կայունության և բարգավաճման խթանման համար
ԵԱՀԿ գործող նախագահ և Շվեյցարիայի արտաքին գործերի նախարար Իգնացիո Կասիսը հայտարարել է Ադրբեջան իր առաջին պաշտոնական այցի մեկնարկի մասին։
Այ մասին նա գրել է իր X սոցիալական հարթակի էջում։ Կասիսը նշել է, որ Շվեյցարիան բարձր է գնահատում Ադրբեջանի հետ իր գործընկերությունը և մտադիր է խորացնել համագործակցությունն առևտրի, նորարարության և տնտեսության ոլորտներում, ինչպես նաև ակտիվացնել ջանքերը Հարավային Կովկասում երկխոսության, խաղաղության, կայունության և բարգավաճման խթանման համար։
ԵԱՀԿ գործող նախագահը նաև ընդգծել է, որ այս այցը կնշանավորի տարածաշրջանային ավելի լայն դիվանագիտական շփումների սկիզբը։ Նրա հաջորդ երկիրը կլինի Թուրքմենստանը։
Դաշնային նախարարի այցը կլինի տարածաշրջանային շրջագայության առաջին փուլը, որը կշարունակվի աշնանը Հայաստան և Վրաստան այցելություններով։
