Իսրայելը Սիրիային հարվածելուց առաջ ԱՄՆ-ին հետախուզական տվյալներ է փոխանցել. Fox News

Իսրայելը Սիրիային հասցված հարվածներից առաջ ԱՄՆ-ին հետախուզական տվյալներ է փոխանցել. Fox News-ին հայտնել է իսրայելցի բարձրաստիճան պաշտոնյան։

Նրա խոսքով՝ հարվածներից առաջ ԱՄՆ-ի համապատասխան գերատեսչությունների ամենաբարձր մակարդակներում «խիստ զգայուն հետախուզական տեղեկություններ» են փոխանցվել։

Ավելի վաղ Syria TV-ն, հղում անելով աղբյուրի, հայտնել էր, որ Սիրիայի Իդլիբ նահանգում ռազմական օդանավակայանին հարվածները հասցրել են Իսրայելի ռազմաօդային ուժերի ինքնաթիռները։

Reuters-ի տվյալներով՝ Աբու ալ-Դուհուր ռազմաբազային օգոստոսի 18-ին ութ հարված է հասցվել, ինչի հետևանքով վնասվել են թռիչքուղին և պահեստային օբյեկտները։