«Ռուսական երկաթուղիներ»-ը բաց է Հայաստանի հետ երկխոսության համար
«Ռուսական երկաթուղիները» կատարում է Հայաստանի հետ կոնցեսիոն պայմանագրի բոլոր կետերը և բաց է տարբեր հարցերի և առաջարկների շուրջ երկխոսության համար․ «Известия»-ի հետ զրույցում նշել է հոլդինգի ղեկավար Օլեգ Բելոզյորովը։
Նա ընդգծել է, որ «Ռուսական երկաթուղիները» մշտական կապի մեջ է իր հայ գործընկերների հետ և շատ մանրակրկիտ է պայմանագրի բոլոր կետերի կատարման հարցում, որոնք գործում են համատեղ փաստաթղթերի համաձայն։
«Համապատասխանաբար, առաջանում են տարբեր հարցեր և առաջարկներ, որոնք մենք համատեղ քննարկում և ուրվագծում ենք կոնկրետ գործողություններ։ Մեր հայ գործընկերները մեզ տարբեր հարցեր են ուղղում։ Մենք բաց ենք երկխոսության համար»,- հայտարարել է Բելոզյորովը։
