ՆԳՆ-ն Արցախի «070» կոդով անձնագրերի վերաբերյալ հայտարարություն է տարածել
«070» կոդով հին նմուշի անձնագրերի տպագրությունն ու տրամադրումը նոյեմբերի 1-ից չի դադարեցվում․ հայտնում են ՆԳՆ Միգրացիայի և քաղաքացիության ծառայությունից։
«Արցախից տեղահանված սիրելի՛ հայրենակիցներ,
Կենսաչափական նոր համակարգը Հայաստանում գործարկվելու է նոյեմբերի 1-ից, և այլևս հին նմուշի փաստաթղթեր չեն թողարկվելու։ Բացառություն են կազմում «070» կոդով հին նմուշի անձնագրերը։ Այս փուլում դրանց տպագրությունն ու տրամադրումը նույն պայմաններով կշարունակվի։
Դիմումների ընդունման և փաստաթղթերի տրամադրման ծառայությունները կշարունակվեն Միգրացիայի և քաղաքացիության ծառայության գրասենյակներում»,- ասված է հաղորդագրությունում։
