Սպիտակ տունն ընդդեմ Միջազգային քրեական դատարանի պատժամիջոցներ է սահմանել
Սպիտակ տունը պատժամիջոցներ է սահմանել Միջազգային քրեական դատարանի նկատմամբ․ հայտնել է Reuters-ը՝ հղում անելով ԱՄՆ պետքարտուղար Մարկո Ռուբիոյի հայտարարությանը։
«Նախագահ Թրամփը երբեք թույլ չի տա, որ Միջազգային քրեական դատարանը հետապնդի ամերիկացիներին։ Մենք այդ վտարանդի դատարանի ցանկացած գործարք կարգելենք՝ զրկելով նրան ռեսուրսներից և կաթվածահար անելով նրա գործունեությունը»,- պետքարտուղարի խոսքերն է մեջբերել գործակալությունը։
Միևնույն ժամանակ Ռուբիոն նշել է, որ Վաշինգտոնը հարցը քննարկելու համար երկխոսության դուռը չի փակում։
Նշենք, որ ԱՄՆ-Միջազգային քրեական դատարան լարավածությունն առաջացել է այն բանից հետո, երբ դատարանը որոշումներ է կայացրել ընդդեմ ԱՄՆ-ի և նրա դաշնակից Իսրայելի բարձրաստիճան պաշտոնյաների։
