Ամերիկացիներն ասացին «ո՛չ» պատերազմին․ Իրանի խորհրդարանի խոսնակ
Իրանի խորհրդարանի խոսնակ Մոհամմադ Բաղեր Ղալիբաֆը, մեկնաբանելով ԱՄՆ միջանկյալ ընտրություններում դեմոկրատների հաղթանակը, հայտարարել է, որ ամերիկացիները դեմ արտահայտվեցին պատերազմին։
Այս մասին Ղալիբաֆը գրել է X մեդիահարթակում։
«Անկախ նրանից՝ խղճմտանքով, թե կյանքի բարձր գնի պատճառով, ամերիկացիներն ասել են «Ո՛Չ ՊԱՏԵՐԱԶՄԻՆ», և մենք աջակցում ենք այս կոչին։ Եթե ԱՄՆ կառավարությունը դավաճանի իր ժողովրդի կամքը՝ ծառայելու միջազգային հովանավորներին և շանտաժիստներին, այն կհասկանա, որ մեր «Ո՛Չ»-ը լի է մղձավանջներով», - նշել է խոսնակը։
