Գերմանիան այլևս չի կարող Ուկրաինային Patriot հակաօդային պաշտպանության համակարգեր մատակարարել

Գերմանիայի պաշտպանության նախարար Բորիս Պիստորիուսը հայտարարել է, որ Բեռլինն այլևս չի կարող Ուկրաինային տրամադրել Patriot զենիթահրթիռային համակարգեր։

Նախարարը նշել է, որ Ուկրաինային ցուցաբերվող աջակցության հարցում մյուս երկրների ներդրումը զգալիորեն զիջում է Գերմանիայի ներդրմանը։ Այս համատեքստում Բեռլինն ակնկալում է, որ դաշնակից երկրներն ակտիվացնեն Ուկրաինային օգնություն ցուցաբերելու ջանքերը։