ChatGPT-ն 55 %-ով նվազեցնում է ուղեղի ակտիվությունը.BBC
Արհեստական բանականությամբ չաթբոտները 55 %-ով նվազեցնում են ուղեղի ակտիվությունը. BBC-ին տված հարցազրույցում ասել է Մասաչուսեթսի տեխնոլոգիական ինստիտուտի (MIT) հետազոտող Նատալյա Կոսմինան:
Կոսմինան պատմել է, որ բազմաթիվ ուսանողներ ավելի հեշտությամբ էին մոռանում բովանդակությունը՝ համեմատած մի քանի տարի առաջվա հետ, ինչն էլ պատճառ է հանդիսացել ուսումնասիրություն կատարելու:
Նա և իր գործընկերները MIT Media Lab-ից հավաքագրել են 54 ուսանողի՝ կարճ ակնարկներ գրելու համար, և նրանց բաժանել՝ 3 խմբի։ Մեկին հանձնարարվել էր օգտագործել ChatGPT-ն։ Երկրորդը կարող էր օգտագործել Google որոնումը՝ արհեստական բանականության կողմից ստեղծված ամփոփումներն անջատված վիճակում։ Երրորդը չէր օգտագործելու որևէ տեխնոլոգիա։ Յուրաքանչյուր ուսանողի ուղեղի ալիքները չափվում էին աշխատանքի ընթացքում։
Էսսեի թեմաները միտումնավոր բաց էին, ինչը նշանակում էր, որ առաջադրանքի համար քիչ հետազոտություն էր անհրաժեշտ, իսկ հուշումները ներառում էին հարցեր հավատարմության, երջանկության կամ մեր առօրյա կյանքի ընտրությունների վերաբերյալ։
Ըստ Կոսմինայի՝ նրանց ուղեղը, ովքեր օգտագործում էին իրենց սեփական միտքը, «կրակի մեջ» էր՝ ցույց տալով լայնածավալ ակտիվություն ուղեղի բազմաթիվ մասերում: «Միայն որոնողական համակարգով աշխատող խումբը դեռևս ուժեղ ակտիվություն էր ցուցաբերում ուղեղի տեսողական մասերում, բայց ChatGPT խումբը ցույց տվեց զգալիորեն ավելի քիչ ուղեղի ակտիվություն. այն նվազել էր մինչև 55%-ով», – պատմել է Կոսմինան։
