Սարիկ Մինասյանը կարող է հաղթել միայն ընտրակեղծիքներով.Կարեն Սիմոնյան 

Չեմ հավատում, որ Սարիկ Մինասյանը 10%-ից ավելի քվե ունի. էդ 10-ից 9.7-ն էլ վարչական ռեսուրսն է․ լրագրողների հետ զրույցում ասել է «Մայր Հայաստան»  դաշինքի Գյումրու քաղաքապետի թեկնածու Կարեն Սիմոնյանը։

Թեկնածուն մտավախություն ունի, որ փորձ կարվի շրջիկ խմբերով քվեարկության արդյունքները խեղաթյուրելու։

«Համոզված ասում եմ՝ եթե չլինեն ընտրակեղծիքներ, այսօր 22:00-ին արդեն բոլորս շնորհավորելու առիթ կունենանք, բայց ոչ Սարիկ Մինասյանին»,-ասել է Սիմոնյանը՝ հավելելով, որ Մինասյանը գյումրեցու քվեով հաղթել չի կարող։