Ժողովրդի ձայնն է որոշիչը, որը պետք է ընդունեն և հարգեն բոլորը․ Փարաքար համայնքի թեկնածու
Շնորհակալություն Փարաքար Համայնքի ընտրողներին իրենց տված ձայնի համար։Սա այն չէր, ինչ ես ակնկալում էի, բայց ժողովրդի ձայնն է որոշիչը, որը պետք է ընդունեն և հարգեն բոլորը․ այս մասին ֆոյսբուքյան իր էջում գրել է Փարաքար համայնքի ղեկավարի թեկնածու Գոռ Սարիբեկյանը։
«Շնորհավորում եմ «ՄԻԱՍՆՈւԹՅՈւՆ» դաշինքին Վալոդյա Գրիգորյանի գլխավորությամբ տպավորիչ հաղթանակի համար։
Լիահույս եմ, որ ընտրողների ակնկալիքներն արդարացվելու են, և Փարաքար խոշորացված համայնքում մարդիկ ապրելու են հավասար, անկաշկանդ, առանց վախի և թափանցիկ ինքնակառավարման ներքո։
Թող բոլոր բնակավայրերի համաչափ զարգացումը դառնա «Միասնություն» դաշինքի կառավարման հիմքը։
Հաջողություն եմ մաղթում այս կարևոր գործում»,- գրել է Սարիբեկյանը։
