ՊՆ-ի հայտարարությունը ՔՊ-ական պատգամավորի վրա չի տարածվում
Պաշտպանության նախարարության հորդոր-պահանջը ՔՊ-ական պատգամավորի չի տարածվում։ Իշխող ուժի ներկայացուցիչ Էդգար Հակոբյանը, Facebook-ի իր էջում արած գրառմանը կից նաև ռազմական տեխնիկայի տեղաշարժ է տեսանկարահանել և հրապարակել այն։
«Այն պահը, երբ Դավթաշենում ապրող տուրիստները զարմացած հետևում են շքերթին պատրաստվող տեխնիկաների շարժին»,- նշել է պատգամավորը։
Նշենք, որ Պաշտպանության նախարարությունը հայտարարություն էր տարածել՝ նշելով, որ մինչև մայիսի 28-ն անցկացվելիք զորահանդեսը մայրաքաղաք Երևանում ՀՀ ԶՈւ ռազմական տեխնիկայի տեղաշարժի լուսանկարահանումը և տեսանկարահանումը փողոցներում խստիվ արգելվում է։
Հակոբյանի՝ գրառումը և տեսանյութը հրապարակելու ժամից կարելի է ենթադրել, որ այն եղել է նախքան ՊՆ-ի հայտարարությունը։ Բայց ուժային գերատեսչության հայտարարությունից հետո իշխանական պատգամավորը տեսանյութը սոցցանցից չի հեռացրել։
