Փարիզի Աստվածամոր տաճարի զանգերը հնչեցին 5 տարի անց

Փարիզի Աստվածամոր տաճարի զանգերը երեկ՝ նոյեմբերի 8-ին առաջին անգամ ղողանջել են Փարիզում՝ 2019թ. հրդեհից հետո, որը կարող էր ոչնչացնել Փարիզի հանրահայտ տեսարժան տաճարը։

Ֆրանսիայի նախագահ Էմանուել Մակրոնը խոստացել էր վերականգնել 861-ամյա շինությունը հինգ տարվա ընթացքում։

Մեկ ամիս անց Նոթր Դամը նորից դռները կբացի, իսկ հանդիսավոր արարողությունները եւ տոնակատարությունները կսկսվեն դեկտեմբերի 7-ից։

Տեսարժան վայրը կարող է նաեւ ներկայանալ երեք նոր զանգերով, որոնցից մեկը ղողանջել է Սթադ դը Ֆրանսում Փարիզի 2024թ. Օլիմպիական խաղերի ժամանակ եւ մակագրված է «Փարիզ 2024»։

Հիշեցնենք՝ Փարիզի Աստվածամոր տաճարը հրդեհվել է 2019 թվականի ապրիլի 15-ին։ Հրդեհը մեծ վնաս հասցրեց տաճարին, հատկապես նրա տանիքին և սրածայր աշտարակին, որոնք ոչնչացվեցին։ Փարիզի բնակիչներն ու ամբողջ աշխարհը սրտացավ վերաբերմունքով հետևում էին այդ իրադարձություններին, իսկ հետո սկսվեցին միջոցառումներ տաճարի վերականգնման համար։