Եմենի հուսիները հայտարարել են Թել Ավիվի Բեն Գուրիոն օդանավակայանի վրա հարձակման մասին
Եմենի հյուսիսում իշխող շիա «Անսար Ալլահ» (հուսիներ) ռազմաքաղաքական շարժումը հայտարարել է, որ հրթիռային հարված է հասցրել Թել Ավիվի Բեն Գուրիոն օդանավակայանին։ Այս մասին ասվում է հուսիների զինված ուժերի ռազմական ներկայացուցիչ Յահյա Սարիայի Telegram ալիքի հայտարարության մեջ․ գրում է Sputnik Արմենիա-ն։
«Հրթիռային ուժերը բարձրորակ ռազմական գործողություն են իրականացրել՝ օկուպացված Յաֆֆայի շրջանի Բեն Գուրիոն օդանավակայանին հարվածելու հետ կապված: Գործողությունն իրականացվել է «Պալեստինա-2» գերձայնային բալիստիկ հրթիռի կիրառմամբ և հաջողությամբ հասել է իր նպատակին», – ասվում է հաղորդագրության մեջ։
Նա հավելել է, որ Եմենի ԶՈւ–ն նաև հարձակվել է Կարմիր ծովում թշնամու ռազմանավերի վրա, այդ թվում՝ USS Harry Truman ավիակրի և դրա հետ կապ ունեցող ռազմանավերի վրա։ Հուսիները վերսկսել են ռազմական գործողությունները Իսրայելի դեմ` Գազայի հատվածում վերջինս գործողությունների վերսկսման ֆոնին։ Մինչ այդ` մարտի 16-ի երեկոյան, նրանք հայտարարել էին ավիակրի վրա հարձակման մասին՝ անվանելով դա Եմենի տարածքի ռմբակոծությանը պատասխան, որի հետևանքով, ըստ հութիների կառավարության առողջապահության նախարարության, ավելի քան 50 մարդ է զոհվել, հարյուրից ավելին` վիրավորվել։
