Հնարավոր չէ գազանի հետ բանակցել, երբ գլուխդ գտնվում է նրա երախում․ Լևոն Քոչարյանը՝ Ալիևի հայտարարության մասին

Եթե մտածում էիք, որ Ադրբեջանն ու Թուրքիան ցանկանում են Հայաստանի հետ խաղաղություն հաստատել, մոլորված էիք․ տելեգրամյան ալիքում գրել է ԱԺ «Հայաստան» խմբակցության պատգամավոր Լևոն Քոչարյանը:

«Եթե Ադրբեջանի նախագահի հարցազրույցից հետո դեռևս այդպես եք մտածում, ապա պարզապես կտրված եք իրականությունից (մեղմ ասած): Ե՞րբ ենք հասկանալու, որ հնարավոր չէ գազանի հետ բանակցել, երբ գլուխդ գտնվում է նրա երախում»,- գրել է նա:

Պատգամավորը նաև նշել է, որ պետք է ազատվել «գազանի բերան հասցրած իշխանությունից», վերակառուցել հարաբերությունները դաշնակիցների հետ և բանակցել ավելի ուժեղ դիրքերից։

Հիշեցնենք, որ Ադրբեջանի նախագահ Իլհամ Ալիևը իր վերջին հարցազրույցում մայրաքաղաք Երևանը «Իրևան» էր կոչել, իսկ Ջերմուկը՝ ադրբեջանական քաղաք։