Չգիտեմ՝ ոնց են, մարդիկ անշարժացած են, չգիտեն՝ ինչ անեն, 350 բնակչություն ունեցող գյուղում այս պահին 3000 բերետավոր կա․ այս մասին ABCmedia–ի հետ զրույցում հայտնել է Կիրանցի բնակիչ Գոհար Վարդանյանը։
Նրա խոսքով՝ ամեն մարդու համար 10 բերետավոր են հատկացրել։
«Երևի ահաբեկիչներ ենք։ Եկել են, որ ականները հանեն, որ մարդկանց՝ Կադաստրով սեփականություն հանդիսացող հողերը տան Ադրբեջանին»,-նշել է բնակիչը։
Նրա խոսքով՝ այն վրանները, որոնք տեղադրվել էին վերջին օրերին, այլևս չկան։
«Այդտեղ գրեթե մարդ չկա, իմաստ էլ չկա, որ մնան, որովհետև հիմա էլ ոստիկաններն են գյուղը փակել»,-մեզ հետ զրույցում հայտնել է բնակիչը։
Սրբազանին թույլ չեն տալիս գյուղ մտնել, բնակիչներն են
գնացել գյուղի ծայրը, որ հանդիպեն վերջինիս։
«Փաշինյանի հետ հանդիպումից հետո սպասում էինք, որ նման բան է լինելու։ Մենք լինենք 100 հոգի՝ կբերեն 1000 բերետավոր, 300 հոգի լինենք՝ 3000 կբերեն»,-եզրափակել է նա։