Հանձնվողը Տավուշի տարածքն է՝ կադաստրի թղթով

Սա, ըստ Գառնիկ Դանիելյանի, կադաստրի քարտեզի այն տարբերակն է, որը իշխանությունները ներկայացրել են Կիրանցի բնակիչներին։ Մանուշակագույնով նշվածն այն սահմանն է, որով, ըստ իշխանությունների, պետք է սահմանազատում կատարվի։ Իսկ թվերով նշված տարածքները գյուղացիների սեփականությունն են։ Սա Երևան-Թբիլիսի միջպետական ավտոճանապարհն է, սա էլ գետի կամուրջը, որն ամբողջությամբ անցնում է ադրբեջանցիների տիրապետության տակ։ Սրանք էլ այն տներն են, որոնք մնում են ադրբեջանցիներին։ Տեսեք այս տունը նոր կառուցվող դպրոցից հեռու է ընդամենը 160 մետր։ Տունը մնում է ադրբեջանցիներին, դպրոցը՝ ոչ։ Իսկ հիմա նայենք քարտեզին և հասկանանք, թե իրականում որտեղով էր անցնում խորհրդային սահմանը։