BrExit-ը տեղի ունեցավ այն ժամանակ, երբ Եվրամիության նկատմամբ անվստահությունը մեծ էր ամբողջ մայրցամաքում: Այսօր ԵՄ–ին միանալու հեռանկարը տարածված է նրա շատ հարևան երկրներում, այդ թվում՝ Մեծ Բրիտանիայում, վկայում է Big Think ուղեղային կենտրոնի հետազոտությունը։
Մինչ որոշ երկրներ տարբեր պատճառներով դեռևս խուսափում են անդամակցությունից, ԵՄ–ի մի քանի ուղղակի և անուղղակի հարևանների կողմից Եվրամիությանն անդամակցելու աջակցությունը բավականին տարածված է: Այժմ ԵՄ–ին վերամիավորվել ցանկանում է բրիտանացիների 52 տոկոսը՝ ճիշտ այն ձայների մասնաբաժինը, որոնք հանրաքվեում հավանություն են տվել ԵՄ–ից Մեծ Բրիտանիայի դուրս գալուն:
Վրաստանը (79%) և Ուկրաինան (77%) նույնպես կողմ են անդամակցությանը և ոչ միայն տնտեսական պատճառներով: Նրանք ԵՄ անդամակցությունը դիտարկում են որպես վահան իրենց ներքին գործերին ռուսական միջամտության դեմ: Նույն մոտիվացիան գործում է նաև Մոլդովայում, թեև ավելի փոքր չափով (61%): Որոշ երկրների համար ԵՄ–ին միանալու ճանապարհին առկա են տարբեր տնտեսական և աշխարհաքաղաքական պատճառներ: Դրանց թվում են Սերբիան (44%), Թուրքիան (49%), Հայաստանը (38%): ԵՄ–ամետ տրամադրություններն էլ ավելի փոքր են Բելառուսում (32%) և Ռուսաստանում (8%):
