ԱՄՆ պետքարտուղար Էնթոնի Բլինքենը սեպտեմբերի 9-10-ը երկօրյա աշխատանքային այցով կմեկնի Մեծ Բրիտանիա։ Բրիտանիայի ներկայացուցիչների հետ քննարկվելու է ռազմական համագործակցությունն ու Ուկրաինային օգնություն տրամադրելու շուրջ հարցեր։ Տեղեկությունը հայտնում է ԱՄՆ Պետքարտուղարության մամուլի ծառայության ղեկավար Մեթյու Միլլերը։
Լոնդոնում Բլինքենը կհանդիպի նաև բարձրաստիճան պաշտոնյաների հետ՝ քննարկելու կարևոր թեմաներ, այդ թվում՝ հնդկախաղաղօվկիանոսյան տարածաշրջանը, Մերձավոր Արևելքը, ինչպես նաև Ուկրաինային աջակցելու ընդհանուր ջանքերը։
