Եվրոպան կարող է խրախուսել ԱՄՆ-ին հետևել միջազգային իրավունքին․ Փեզեշքիանը՝ Մակրոնին

Իրանի նախագահ Մասուդ Փեզեշքիանն իր ֆրանսիացի գործընկերոջ հետ հեռախոսազրույցի ժամանակ հայտարարել է, որ ԱՄՆ-ի «բարի կամքի բացակայությունը» և «մաքսիմալիստական ​​դիրքորոշումը» խոչընդոտել են անցյալ շաբաթ Իսլամաբադում կայացած բանակցությունների ժամանակ համաձայնագրի վերջնական կնքմանը․ գրում է Al Jazeera-ն՝ հղում անելով IRNA լրատվական գործակալությանը։

Նրա խոսքով՝ սպառնալիքները, ճնշումը և ռազմական գործողությունները միայն կսրեն տարածաշրջանում ԱՄՆ-ի «ստեղծած խնդիրները»։

«Դիվանագիտությունը վեճերի կարգավորման նախընտրելի ուղին է», – ասել է Փեզեշքիանը՝ հավելելով, որ Եվրոպան կարող է կառուցողական դեր խաղալ և խրախուսել ԱՄՆ-ին՝ հետևել միջազգային իրավունքին։