Ալեն Սիմոնյանի հռետորաբանությունը չի կապվում Ազգային ժողովի նախագահի կերպարի հետ․ Զախարովա
ՌԴ ԱԳՆ ներկայացուցիչ Մարիա Զախարովան ճեպազրույցի ժամանակ նշել է, որ ՀՀ-ում փորձում են որոշ ներքաղաքական հարցեր լուծել արտաքին ֆակտորների կիրառմամբ։
«Ռուսատանի թեման աշխարհում «տաքացված է»։ Ինչու՞ դրա շուրջ սպեկուլյացիաներ չանել նրանց, ովքեր սեփական փաստեր չունեն քաղաքացիներին գրավելու հեռանկարային գաղափարներով», – նշել է ՌԴ ԱԳՆ ներկայացուցիչը։
Զախարովան ընդգծել է, որ ՌԴ-ն չի խառնվում ինքնիշխան երկրների ընտրություններին։ Նրա խոսքով՝ բրուսելյան մեթոդաբանությունը կիրառվում է նաև ՀՀ տարածքում։
Զախարովան նաև անդրադարձել է նախօրեին Ազգային ժողովի նախագահ Ալեն Սիմոնյանի արած հայտարարություններին, նշելով, որ նրա հռետորաբանությունը, մեղմ ասած, ափսոսանք է առաջացնում։
«Այդ ամենը նույնիսկ չի կապվում Ազգային ժողովի նախագահի կերպարի հետ՝ հարձակումներ, վիրավորանքներ»։
Հիշեցնենք, որ ՀՀ ԱԺ նախագահ Ալեն Սիմոնյանը մայիսի 5-ին ընդունել է Հայաստանում ՌԴ դեսպան Սերգեյ Կոպիրկինին: Ապա Սիմոնյանը ճեպազրույցում «հյուսիսային հարևանին» մեղադրել է Հայաստանի դեմ տարվող հիբրիդային պատերազմի մեջ, որը պարբերաբար ակտիվանում է։ Ըստ Սիմոնյանի՝ դրանում գործադրված են ոմն ռուս փորձագետներ հայկական ազգանուններով, ովքեր փորձում են «փոխել իշխանությունը» ՀՀ-ում, հանրահավաքներ հայտարարել և այլն։
