Թրամփը չի բացառում շուտով Պուտինի հետ հանդիպումը
ԱՄՆ նախագահ Դոնալդ Թրամփը հայտարարել է, որ օգոստոսի 6-ին Մոսկվայում ԱՄՆ հատուկ բանագնաց Սթիվ Ուիթքոֆի և Ռուսաստանի նախագահ Վլադիմիր Պուտինի միջև կայացած հանդիպումը «մեծ առաջընթաց է գրանցել»։ Նա նաև նշել է, որ հնարավոր է շուտով անձամբ հանդիպի Պուտինի հետ։
«Մեծ հավանականություն կա, որ հանդիպումը շատ շուտով կկայանա», – ասել է Թրամփը։
Լրագրողների հետ Սպիտակ տանը ունեցած զրույցի ընթացքում Թրամփը արձագանքել է իր խոսնակ Քերոլայն Լևիթի հայտարարությանը, ըստ որի՝ Ռուսաստանը հայտնել է Թրամփի հետ հանդիպելու իր հետաքրքրվածության մասին, և Թրամփը պատրաստակամ է հանդիպել թե՛ Վլադիմիր Պուտինի, թե՛ Վլադիմիր Զելենսկիի հետ։
