Բելառուսը սեպտեմբերին կանցկացնի ՀԱՊԿ զորավարժություններ
Բելառուսում կանցկացվեն Հավաքական անվտանգության պայմանագրի կազմակերպության (ՀԱՊԿ) ձևաչափով մի շարք զորավարժություններ: Հանրապետության պաշտպանության նախարարության մամուլի ծառայությունը հայտնել է, որ զորավարժությունները կանցկացվեն սեպտեմբերի սկզբին։
Դրանց կմասնակցեն Հավաքական արագ արձագանքման ուժերը (ՀԱՈՒ), «Պոյիսկ-2025» հետախուզական ուժերն ու միջոցները, նաև «Էշելոն-2025» ՀԱՈՒ լոգիստիկան: Մամուլի ծառայությունը նաև հայտնել է, որ զորավարժությունների վայր է արդեն ժամանել առաջին զինվորական զորակազմը։
ՀԱՊԿ-ը միջազգային կոլեկտիվ անվտանգության կազմակերպություն է, որին անդամակցում են մի քանի հետխորհրդային պետություններ: Այն ներառում է Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը: Երկրները կնքել են կոլեկտիվ անվտանգության պայմանագիր: Դրա համաձայն՝ մասնակից պետություններից որևէ մեկի վրա հարձակման դեպքում՝ մյուս բոլոր մասնակից պետությունները կտրամադրեն նրան անհրաժեշտ օգնություն, այդ թվում՝ ռազմական օգնություն: Նախորդ տարի ՀՀ-ն սառեցրել է իր անդամակցությունը կազմակերպությանը և դադարել է մասնակցել դրա միջոցառումներին։
