Աշխարհը պետք է աջակցի մեր ճնշված ժողովրդին և կանխի Նեթանյահուի ռազմական հանցագործությունների շարունակությունը. ՀԱՄԱՍ խմբավորման ներկայացուցիչ
Պաղեստինյան ՀԱՄԱՍ խմբավորումը կոչ է անում միջազգային հանրությանը արդյունավետ միջոցներ ձեռնարկել՝ կանխելու Իսրայելի կողմից Գազայի հատվածում գործողության ընդլայնումը և անկլավի ամբողջ տարածքի ռազմական ուժով գրավումը. TACC-ի թղթակցին հայտնել է խմբավորման ներկայացուցիչ Խալեդ ալ-Կադումին։
«Այսօր աշխարհը պետք է աջակցի մեր ճնշված ժողովրդին և օգտագործի արդյունավետ գործիքներ՝ կանխելու Նեթանյահուի և նրա ավազակախմբի ռազմական հանցագործությունների շարունակությունը մեր ժողովրդի դեմ, քանի որ այդ գործողությունները սրել են սովը և հանգեցրել մեր երեխաների և ընտանիքների սովամահության», – ասել է նա՝ մեկնաբանելով այն տեղեկությունը, որ Իսրայելի կառավարության ղեկավարը կարող է որոշել ընդլայնել ռազմական գործողությունը Գազայում:
Անդրադառնալով բանակցությունների հնարավոր շարունակությանը՝ գործակալության զրուցակիցը ընդգծել է, որ Նեթանյահուն չի ցանկանում համաձայնության գալ ՀԱՄԱՍ-ի հետ հրադադարի վերաբերյալ, այլ ընդհակառակը, նա ոչնչացրել է համաձայնագրի բոլոր հույսերը և շարունակում է սպանել Պաղեստինի ժողովրդին ամբողջ աշխարհի աչքի առաջ:
«Մենք մասնակցել ենք մարդասիրական երկխոսությանը և առաջարկել գործնական և իրատեսական լուծումներ ու միջոցառումներ, որոնք ուղղված են ագրեսիայի և արյունահեղության դադարեցմանը, ինչը հաստատել են միջնորդները», – ընդգծել է նա։
