Պատանդների հարազատները նավակներով լողում են Գազա՝ կոչ անելով դադարեցնել պատերազմը

Գազայում պահվող պատանդների հարազատները նավակներով ուղևորվել են դեպի Գազայի ափին ամենամոտ հասանելի կետը՝ կոչ անելով դադարեցնել պատերազմը և վերադարձնել իրենց սիրելիներին. գրում է The Jewish Chronicle-ը:

Պատանդների և անհետ կորած ընտանիքների ֆորումի կողմից կազմակերպված, 11 նավերից բաղկացած նավատորմը մեկնել է մոտ երկու ժամ տևողությամբ ճանապարհորդության։

Ֆորումի հայտարարության համաձայն՝ պատանդների հարազատները պատրաստվում են բղավել իրենց սիրելիներին ուղղված ուղերձներ՝ հուսալով, որ դրանք կհասնեն իրենց հարազատներին և ազատության հույս կտան նրանց։

Նավատորմը չի պլանավորում որևէ կանգառ կատարել ծովում և չի իջնի Գազայի ափին՝ պայմանավորված հրթիռային հնարավոր հարվածի վտանգով: