ՀՀ-ն ստանում է հասանելիություն միջազգային երկաթուղային ցանցին դեպի Ռուսաստան, դեպի Իրան, դեպի Կենտրոնական Ասիա, Չինաստան. Նիկոլ Փաշինյանի ասուլիսի առանցքային կետերը
ՀՀ վարչապետ Նիկոլ Փաշինյանի` Վաշինգտոնում կայացած ասուլիսի առանցքային կետերը` ստորև.
- Ստորագրված փատաթուղթը կառուցված է իրավազորության, ինքնիշխանության, տարածքային ամբողջականության և փոխադարձության սկզբունքի վրա:
- ՀՀ-ն ապաշրջափակվում է, Ադրբեջանն իր հերթին հնարավորություն է ստանում Հայաստանի տարածքով հուսալի կապ ունենալ Նախիջևանի հետ։ Հայաստանը հնարավորություն է ունենում Ադրբեջանի տարածքով և Նախիջևանի տարածքով Սյունիքի մարզի հետ երկաթուղային կապ ունենալ։
- ՀՀ-ն ստանում է հասանելիություն միջազգային երկաթուղային ցանցին դեպի Ռուսաստան, դեպի Իրան, դեպի Կենտրոնական Ասիա, Չինաստան։
- Նախագծի իմաստն այն է, որ մեր երկրով անցնեն հնարավորինս շատ մարդիկ, բեռներ, տրանսպորտային միջոցներ, քանի որ դրանք հնարավորինս շատ եկամուտներ են բյուջեի համար:
- Մենք իրագործում ենք այս նախագիծը, որպեսզի ՀՀ քաղաքացիներն ավելի շատ օգտվնեն Ադրբեջանի տրանսպորտային ենթակառուցվածքներից և Ադրբեջանի քաղաքացիներն առանց մտավախության օգտվեն ՀՀ տրանսպորտային ենթակառուցվածներից. դա կլինի անվտանգության, խաղաղության և կայունության ամենահուսալի երաշխիքներից մեկը:
- Շատ հետաքրքիր նախագծեր են լինելու՝ գազամուղ, նավթամուղ, էլեկտրահաղորդման գծեր, ինտերնետային մալուխներ և այլն։
- Այս նախագիծը գուցե լավ հնարավորություն դառնա, որպեսզի տնտեսական համագործակցություն սկսվի Իրանի և ԱՄՆ-ի, ՌԴ-ի և ԱՄՆ-ի միջև։
- Սյունիքը եղել է ու կմնա Հայաստանի Հանրապետության մաս. ստորագրված հռչակագրով մենք արձանագրեցինք՝ Հայաստանն ու Ադրբեջանը միմյանցից տարածքային պահանջներ չեն ունենալու։
- Չկա այդպիսի բանակցություն, որտեղ մենք չենք բարձրացնում Ադրբեջանում անազատության մեջ գտնվող մեր հայրենակիցների մասին հարցը. այն քննարկվել է բարձրագույն մակարդակով:
