Ջեյհուն Բայրամովը Քուվեյթի թագաժառանգին ներկայացրել է Հարավային Կովկասում տիրող իրավիճակը
Քուվեյթ կատարած պաշտոնական այցի շրջանակներում Ադրբեջանի արտաքին գործերի նախարար Ջեյհուն Բայրամովը հանդիպել է թագաժառանգ շեյխ Սաբահ Խալիդ ալ-Համադ ալ-Մուբարաք ալ-Սաբահի հետ։ Հանդիպման ընթացքում քննարկվել են Ադրբեջանի և Քուվեյթի միջև երկկողմ և բազմակողմ համագործակցության տարբեր ասպեկտներ, ինչպես նաև՝ տարածաշրջանային և միջազգային անվտանգության հարցեր:
Բանակցությունների ընթացքում ուշադրություն է դարձվել տարբեր ոլորտներում համագործակցության ընդլայնմանը։«Ադրբեջանի արտաքին գործերի նախարար Ջեյհուն Բայրամովը Քուվեյթի թագաժառանգին ներկայացրել է Հարավային Կովկասում տիրող իրավիճակը, հետհակամարտական շրջանում վերականգնողական աշխատանքները և, մասնավորապես, խաղաղություն ապահովելու Ադրբեջանի ջանքերը», – նշվել է ադրբեջանական կողմի հայտարարության մեջ։
