Կոտայքում առևանգել և սպանել են օտարերկրացու

Երեկ՝ հուլիսի 5-ին, առեղծվածային դեպք  է տեղի ունեցել Կոտայքի մարզում. ժամը 12։10- ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզի քրեական վարչությունում օպերատիվ տեղեկություններ են ստացվել, որ Քաղսի գյուղի հյուրատներից մեկից մի քաղաքացու են առևանգել։

Ինչպես հայտնում է Գագիկ Շամշյանը, Երևան-Սևան ավտոճանապարհին՝ դաշտամիջյան հատվածում, խոտերով թաքցրած հայտնաբերվել է առեւանգված 74–ամյա տղամարդու դին։

Կասկածյալները ՌԴ քաղաքացիներ են՝ 40-ամյա Անդրեյ Միրոշնիկը և 23-ամյա Դարյա Ասաբինան, որոնք հասցրել են արդեն լքել ՀՀ տարածքը: