Ո՞վ է Դավթաշենում սպանված ՔՊ-ական Շմավոն Աթոյանը

Հոկտեմբերի 25-ին Դավթաշենում լսվել են կրակոցներ։ Կեսգիշերին Ներքին գործերի նախարարության ոստիկանության քրեական ոստիկանությունը հաղորդում է ստացել, որ Դավթաշենի 3-րդ թաղամասի 11 հասցեում հնչել են կրակոցներ, և կա վիրավոր քաղաքացի, որը որովայնի հրազենային վնասվածքով տեղափոխվել է «Արմենիա» բժշկական կենտրոն, վերակենդացման բաժանմունքում էլ մահացել է։ 

Ըստ ArmLur.am-ի՝ սպանության պատճառը եղել է աղջկա վերաբերյալ հարց։ Աղջկան նեղացնելու պատճառով ստեղծվել է լարվածություն, որն էլ ավարտվել է կրակոցներով ու սպանությամբ։ 

Արդեն այսօր պարզվել է, որ սպանված քաղաքացին «Քաղաքացիական պայմանագիր» կուսակցության Դավթաշեն Տարածքային կառույցի անդամ, բլոգեր 33-ամյա Շմավոն Աթոյանն է։ Նա ՏիկՏոկում ունի 2900 հետևորդ, Instagram-ում՝ 63։