Տունը վերականգնելու ճանապարհը վրեժի ճանապարհն է․ Բագրատ Արքեպիսկոպոս Գալստանյան
Այո, ես ինձ համարում եմ ռևանշիստ, եւ այդպես եմ ապրելու մինչեւ
կյանքիս վերջին վայրկյանը․ այս մասին կիրակնօրյա իր քարոզի ժամանակ ասել է Տավուշի
թեմի առաջնորդ Բագրատ Արքեպիսկոպոս Գալստանյանը:
«Որովհետև այն ուղղված չէ որևէ կողոպտելու մեր կյանքը, թե΄ հոգևոր
իմաստով, թե΄ բարոյական իմաստով, եւ թե ֆիզիկական իմաստով: Այն ուղղված չէ անընդհատ
ծնկած, սողալով ման գալուն, այլ ընդհակառակը վեր կանգնել եւ մեր Տիրոջ առաջ կանգնելով
ասել, ավելացրու իմ հավատը, որպեսզի կարողանամ քո գործը կատարեմ երկրի վրա: Եվ մենք
այդպես պիտի մտածենք, որ մենք Աստծո գործն ենք կատարում երկրի վրա՝ արդարության, ճշմարտության
և փրկության վերահաստատումը: Եվ այո, այդ ճանապարհը վրեժի ճանապարհն է, ուրիշ ի՞նչ
ճանապարհ կա տունը վերականգնելու:
Բագրատ Արքեպիսկոպոս Գալստանյանի խոսքով՝ դա ատելություն չի ենթադրում,
ընդհակառակը՝ դա ենթադրում է սեր, դա ենթադրում է նվիրում, ենթադրում է անսպառ
հավատ, մեծագույն հույս, զոհաբերություն, քաջություն եւ բոլոր առեաքինությունները
եւ ոչ հակառակը: Չի կարող լինել մարդ, որի ամբողջ ներաշխարհը տակնուվրա է արված ու
նա կարողանա հանգիստ ապրել:
«Մեզ կարող եք մեղադրել, որ մենք անընդհատ խոսում ենք, բայց անընդհատը
չի փոխել մեր իրականությունը և դեռ ավելին
է խորացել և դեռ ավելին է խորանալու: Եվ այս հատուցումը պետք է տեղի ունենա, որովհետև
մեր կյանքերի համար հազարավոր մարդիկ իրենց կյանքն են ընծայել», – ասել է նա:
