Իսրայելի նախկին վարչապետներ Յաիր Լապիդն ու Նաֆթալի Բենեթը միավորվել են՝ Նեթանյահուին տապալելու համար
Իսրայելի նախկին վարչապետներ Յաիր Լապիդն ու Նաֆթալի Բենեթը հայտարարել են իրենց կուսակցությունների՝ «Եշ Ատիդ»-ի և «Բենեթ-2026»-ի միավորման և Քնեսեթի թեկնածուների համատեղ ցուցակի պատրաստման մասին:
Ինչպես գրում է The Jerusalem Post-ը, սա կարող է փոխել ընտրությունների ընթացքը, որոնք, ինչպես սպասվում է, տեղի կունենան մինչև հոկտեմբերի վերջ:
Միավորված կուսակցությունը պաշտոնապես կկոչվի «Բե-Յախադ» («Միասին»)՝ Նաֆթալի Բենեթի գլխավորությամբ: Բենեթը կգլխավորի Իսրայելի խորհրդարանի թեկնածուների համատեղ ցուցակը:
Այս դաշինքի նպատակն է միավորել ընդդիմադիր դաշինքը և բարելավել վարչապետ Բենիամին Նեթանյահուին տապալելու հնարավորությունները, որը ձգտում է վերընտրվել 7-րդ անգամ:
