Ադրբեջանն ու Չեխիան բանակցություններ են վարում ռազմական արտադրանքի համատեղ արտադրության վերաբերյալ
Ադրբեջանը Չեխիայից գնում է ռազմական տեխնիկայի զգալի քանակություն, և ներկայում բանակցություններ են ընթանում համատեղ արտադրության հետ կապված կոնկրետ նախագծերի շուրջ․ հայտարարել է Ադրբեջանի նախագահ Իլհամ Ալիևը Չեխիայի վարչապետ Անդրեյ Բաբիշի հետ մամուլի ասուլիսում։
Վստահություն հայտնելով այս ոլորտի ընդլայնման հարցում՝ նա ընդգծել է. «Քանի որ Ադրբեջանն ապահովում է իր պաշտպանական ներուժը, այդ թվում՝ տեղական արտադրության միջոցով, մեր ապագա համագործակցությունը Չեխիայի նման երկրների հետ, որոնք մեծ փորձ ունեն այս ոլորտում, առանձնահատուկ նշանակություն ունի»։
