Գերմանացի պահպանողականները ճնշում են գործադրում Ֆոն դեր Լեյենի վրա՝ Բրյուսելի «մեքենան» քանդելու համար․ Politico

Գերմանացի պահպանողականները պատրաստվում են Եվրահանձնաժողովի նախագահ Ուրսուլա ֆոն դեր Լեյենին կտրուկ վերջնագիր ներկայացնել` կա՛մ զսպել Բրյուսելի վերահսկողությունը և բյուրոկրատիան, կա՛մ բախվել Եվրահանձնաժողովի լիազորությունները սահմանափակելու նոր փորձի. գրում է Politico-ն։

Գերմանացի օրենսդիրներից երկուսը հայտնել են, որ Ֆոն դեր Լեյենը պատրաստվում է Բեռլինում մասնակցել կանցլեր Ֆրիդրիխ Մերցի պահպանողականների հավաքին։ Խումբը նախատեսում է նրան ավելի խիստ պահանջներ ներկայացնել՝ կապված գերմանական բիզնեսի վրա ԵՄ ծանրաբեռնված կանոնակարգերի արագացված կրճատումների հետ։

Politico-ի ձեռք բերած փաստաթուղթը բացահայտում է գերմանացի օրենսդիրների կողմից Բրյուսելում իրենց ուզածին հասնելու համար կիրառվող ավելի կոշտ մարտավարությունը։ Անցյալ հինգշաբթի թվագրված վերջին նախագիծը, որ կոչվում է «ԵՄ մակարդակով բյուրոկրատիայի կայուն կրճատման օրակարգ», ներառում է Եվրահանձնաժողովին ուղղված 27 պահանջներից բաղկացած ցանկ։ Ռազմավարական փաստաթղթի նախագծում առաջարկվում է ստեղծել վերահսկողական մարմին։

Մեկ այլ առաջարկվող միջոցառում կոչ է անում եվրոպական ինստիտուտներին սահմանափակել իրենց լիազորությունները՝ «կրճատելով եվրոպական ինստիտուտների աշխատակիցների թիվը»։