Ինդոնեզիայում բախվել են գնացքներ. կան զոհ և վիրավորներ

Ինդոնեզիայի Արևմտյան Ճավա նահանգում այսօր առավոտյան բախվել են երկու գնացք։ Վագոնները շրջվել են, ինչի պատճառով մահացել է 1 մարդ, վիրավորվել առնվազն 28–ը, hայտնում է ինդոնեզական Tribun պորտալը։

«Վիրավորներից 24-ը  Չիկալենկայի շրջանային հիվանդանոցում են, երկուսը` Չիկալենկայի համայնքային առողջության կենտրոնում, երկուսը` տեղի հիվանդանոցում, 1 մարդ մահացել է»,- գրում է պորտալը` մեջբերելով Արևմտյան Ճավայի նահանգապետի պաշտոնակատար Բեյ Մահմուդինի խոսքերը:

Պաշտոնյանի խոսքով՝  մահացածը եղել է գնացքներից մեկի անձնակազմի անդամը։

 

Զոհերի և վիրավորների մասին տվյալները դեռ թարմացվում են։

Վթարի մասնակից երկու գնացքներում եղել է 478 մարդ։