ԱՄՆ-ի կողմից շրջափակման պատճառով հոսանքազրկումների ֆոնին Կուբայում բողոքի ցույցեր են անցկացվել
Չորեքշաբթի երեկոյան բողոքի ցույցեր են անցկացվել Կուբայի մայրաքաղաք Հավանայում՝ ԱՄՆ շրջափակման հոտևանքով տասնամյակների ընթացքում ամենածանր հոսանքազրկումների ֆոնին․ գրում է Reuters գործակալությունը։
Հարյուրավոր զայրացած կուբացիներ դուրս էին եկել փողոց՝ փակելով ճանապարհներ, այրելով աղբի կույտեր, հարվածելով կաթսաներին և գոռալով. «Միացրե՛ք լույսերը», «Միասնական ժողովուրդը երբեք չի պարտվի»։
Էլեկտրաէներգիայի պակասը և անջատումները կտրուկ վատթարացել են հունվարից ի վեր, երբ ԱՄՆ նախագահ Դոնալդ Թրամփը, որը հայտարարել էր, որ ցանկանում է տապալել Կուբայի կոմունիստական կառավարությունը, էմբարգո էր սահմանել և սպառնացել տուրքեր սահմանել Հավանային վառելիք մատակարարող ցանկացած երկրի նկատմամբ։
