Քիր Սթարմերը հրաժարական է տվել
Մեծ Բրիտանիայի վարչապետ Քիր Սթարմերը հայտարարել է, որ որոշել է լքել իր պաշտոնը։
Քիր Սթարմերը հայտարարել է, որ մտադիր է հեռանալ Լեյբորիստական կուսակցության ղեկավարի պաշտոնից։ Նա նշել է, որ Բրիտանիայում իշխող Լեյբորիստական կուսակցության նոր առաջնորդի ընտրությունները կսկսվեն հուլիսի 9-ին:
Ավելի վաղ լրատվամիջոցները հայտնել էին, որ Սթարմերը կարող է իր հրաժարականի մասին հայտարարել երկուշաբթի՝ հունիսի 22-ին, և սկսել իշխանության փոխանցման գործընթացը Մեծ Մանչեսթրի քաղաքապետ Էնդի Բըրնհեմին։
Լրատվամիջոցները հայտնել էին, որ Սթարմերը հանգստյան օրերն անցկացրել է մտածմունքների մեջ՝ հրաժարական տա՞լ, թե՞ պայքարել կուսակցության ղեկավարությունը պահպանելու համար։
Սթարմերի նկատմամբ ճնշումը կուտակվել է մի քանի ամիս շարունակ և կտրուկ ուժեղացել անցած ուրբաթ օրը, երբ Բըրնհեմը համոզիչ հաղթանակ է տարել ընտրություններում։
