Ալիևի նպատակն Արցախի հարցը «լուծելուց» հետո «Արևմտյան Ադրբեջան» վերադառնալն է․ ադրբեջանագետ
Կարծես պարբերական բնույթ է կրում Ալիևի փաստացի սպառանալիքներն և ատելության խոսք ողջ հայ ազգի նկատմամբ. ABC Media-ի հետ զրույցում ասաց ադրբեջանագետ Արամ Փոլադյանը։
«Թշնամին էլ ավելի է ակտիվացել և Ալիևի վարչակարգը չի պատրաստվում հետքայլ անել, և դա փաստ է։ Ալիևն ասում է, որ իրենք տարածքային նկրտումներ չունեն, Հայաստանի նկատմամբ տարածքային պահանջ չեն ներկայացնելու և «աչք չունեն» ուրիշի հողերի վրա, բայց դրան զուգահեռ նախ պիտի կիսենք, որ Արցախի հարցը ոչ միայն փակ չէ, Արցախի հարցը ապագայում պիտի նոր փուլ մտնի և Արցախի հարցը փակելու մասի խոսելը ինքնին արդեն ագրեսիայի ցայտուն դրսևորում է այն պարագայում, որ շուրջ 30 տարի գերտերություններ են բանակցել Արցախի հարցի վերաբերյալ, և ոչ մեկ Հայաստանին չի անվանել ագրեսոր, բացի Ադրբեջանի և իր եղբայրական պետություններից»,- ասաց Փոլադյանը և հավելեց, որ Ալիևի համար Արցախի հարցի «լուծումից» հետո այսպես կոչված «Արևմտյան Ադրբեջան» վերադառնալն է։
Նրա խոսքով՝ Ալիևի վարչակարգը վարում է ահաբեկչական քաղաքականություն և նախագահի հնչեցրած հայտարարությունները և իրականացվող քայլերը բացարձակապես այլ են և լիովին հակասում են հաճախ հնչեցվող հայտարարություններին։
