Երևանում 32-ամյա տղան տևական ժամանակ տանից դուրս չի եկել, զանգերի չի պատասխանել, պարզվել է՝ ինքնասպան է եղել

Այսօր՝ հուլիսի 26-ին, առեղծվածային մահվան դեպք է տեղի ունեցել Երևանում․ գրում է shamshyan.com-ը։

«Ժամը 16:30-ի ՆԳՆ-ում տեղեկություններն են ստացվել, որ Թումանյան փողոցի շենքերից մեկի բնակարանի բնակիչը տևական ժամանակ է դռան թակոցներին և հեռախոսազանգերի չի պատասխանում։

Նշված հասցե են ժամանել ոստիկանության, փրկարար ու շտապօգնության աշխատակիցները։
Փրկարարները, բացելով տան դուռը, լոգարանում հայտնաբերել են երիտասարդ տղայի մարմինը՝ կախված վիճակում։

Նախնական տեղեկություններով՝ մահացածը 32-ամյա Դավիթ Ա.-ն է»,- գրում է լրատվամիջոցը։