ԱՄՆ-ում մահապատժի դատապարտված և 2 մահացու ներարկումից հետո ողջ մնացած կինը գիտակցության է եկել
ԱՄՆ-ում մահապատժի դատապարտված և 2 մահացու ներարկումից հետո ողջ մնացած 50-ամյա Քրիստա Փայքը գիտակցության է եկել և կարողանում է խոսել: Սա ԱՄՆ պատմության մեջ առաջին դեպքն է, երբ մարդուն հաջողվել է ողջ մնալ մահացու ներարկումից հետո․ գրում է meduza.io-ն։
«Կանխատեսումները դեռևս անորոշ են, մենք առնվազն երկարատև ապաքինում ենք ակնկալում»,- հայտնել են նրա փաստաբանները:
Նրանց խոսքով՝ նույնիսկ հիվանդանոցում Փայքին շարունակում են պահել «ձեռնաշղթաներով և ոտնաշղթաներով»: Մահապատժի փորձի ժամանակ նա նաև այրվածքներ և ձեռքերի ծանր վնասվածքներ է ստացել:
Բժշկական փորձագետները կարծում են, որ անձնակազմը սխալ է տեղադրել ներերակային կաթետերները, ինչի պատճառով պենտոբարբիտալը երակի մեջ ներթափանցելու փոխարեն կուտակվել է հյուսվածքներում:
