Հայաստանի, Հունաստանի և Կիպրոսի հատուկ նշանակության ուժերը համատեղ զինավարժանքներ են անցկացրել
Հայաստանի, Հունաստանի և Կիպրոսի հատուկ նշանակության ուժերը զինավարժանքներ
են անցկացրել Հունաստանի Ատտիկա օկրուգում:
Ինչպես հաղորդում է «Արմենպրես»-ը,
այդ մասին հայտնել է Հունաստանի ազգային պաշտպանության Գլխավոր շտաբը։
Տեղեկատվության համաձայն՝ «նոյեմբերի 6-ից մինչև 10-ը Ատտիկայի
Նեա Պերամոս շրջանում տեղի են ունեցել հատուկ նշանակության ուժերի եռակողմ համատեղ
զինավարժանքներ` Հունաստանի, Կիպրոսի և Հայաստանի հատուկ գործողությունների ուժերի
միջազգային համագործակցության շրջանակներում»։
«Համատեղ վարժանքը, որը մտնում է Հունաստանի, Կիպրոսի և Հայաստանի
միջև 2023 թվականի համատեղ գործողությունների ծրագրի մեջ, նպաստեց մասնակիցների միջև
փոխըմբռնման և գիտելիքների և փորձի փոխանակման մակարդակի բարձրացմանը, ինչպես
նաև նրանց գործառնական հնարավորությունների ամրապնդմանը» – ընդգծել են գերատեսչությունում։
Վարժանքների ընթացքում իրականացվել են մարտական հրաձգություններ,
մշակվել են դիպուկահարների գործողությունների տեխնիկան և մարտավարությունը, մանևրները
փակ տարածքներում, գործողությունների պլանավորումը:
