Իրանում նախագահական ընտրությունների օր է նշանակվել
Հունիսի 28-ին Իրանում տեղի կունենան արտահերթ նախագահական ընտրություններ։ Այս մասին հայտարարել է Իսլամական Հանրապետության նախընտրական շտաբի մամուլի քարտուղար Մոհսեն Էսլամին, գրում է «Մեհր» գործակալությունը։
«Հունիսի 28-ը կարելի է համարել տասնչորսերորդ (Իրանի պատմության մեջ) նախագահական ընտրությունների օրը», – ասել է Էսլամին։
Նրա խոսքերով՝ «Սահմանադրության պահապանների խորհրդին առաջարկվել է, որ թեկնածուների գրանցումը սկսվի մայիսի 28-ից»։
Սահմանադրության պահապանների խորհուրդը վերխորհրդարանական մարմին է Իրանում, որը, բացի Մեջլիսի (խորհրդարանի) պատգամավորների կողմից ընդունված օրենքների սահմանադրականությունը վերլուծելուց, պատասխանատու է ընտրություններում թեկնածուների հաստատման համար։ Այն նաև հաստատում է պետական գլխավոր պաշտոնների թեկնածուներին, այդ թվում՝ նախագահին:
