Մոսկվան պատրաստ է Կիևի հետ բանակցությունների ստամբուլյան համաձայնագրերի հիման վրա․ Պուտին
ՌԴ նախագահ Վլադիմիր Պուտինը հայտարարել է, որ Ռուսաստանը պատրաստ է Ուկրաինայի հետ բանակցությունների՝ Ստամբուլում ձեռք բերված պայմանավորվածությունների հիման վրա․ գրում է rbc.ru-ն։
«Ինչպես արդեն մեկ անգամ չէ, որ ասվել է, Ռուսաստանը պատրաստ է Ուկրաինայի հետ խաղաղ բանակցությունների՝ այն պայմանավորվածությունների հիման վրա, որոնք ձեռք են բերվել դեռևս Ստամբուլում: Ես պատճառ չեմ տեսնում, որ մեր կողմը շեղվի այդ պայմանավորվածություններից»,- ասել է նա։
Ռուսաստանի ղեկավարը հավելել է, որ Կիևը թիրախավորում է Ռուսաստանում քաղաքացիական օբյեկտները՝ բանակցությունների վերսկսման համար «ուժեղ դիրքերից» բանակցողի տպավորություն թողնելու համար։
