Հունաստանը մարդասիրական օգնություն է ուղարկել Հայաստան՝ Արցախից տեղահանված անձանց համար
Հունաստանը մարդասիրական օգնություն է ուղարկել Հայաստան՝ Արցախից
տեղահանված անձանց համար․ այս մասին տեղեկացրել է ՀՀ֊-ում Հունաստանի արտակարգ և լիազոր
դեսպան Էվանգելոս Տուրնակիսը․ հաղորդում է Արմենպրես»-ը։
«Հունական կողմն այսօր Հայաստանի կառավարությանն է հատկացրել չորս
տոննա քաշով հումանիտար բեռ։ Երևան է ժամանել նաև հատուկ մասնագիտացված մարդկանց խումբ՝
բաղկացած հոգեբաններից և սոցալական աշխատողներից, ովքեր հոգեբանական աջակցություն կցուցաբերեն
Լեռնային Ղարաբաղից տեղահանված անձանց, ովքեր տուժել են հումանիտար ճգնաժամից»,-ասված
է հայտարարության մեջ։
Դեսպանը նշել է, որ Հունաստանը կանգնած է Հայաստանի կողքին, ինչն
այսօր ևս մեկ անգամ ապացուցվում է։
«Օգտվելով առիթից՝ ցանկանում եմ նաև ասել, որ Հունաստանը մեծապես
աջակցում է Հայաստանի տարածքային ամբողջականությանն ու ինքնիշխանությանը»,- ասել է
ՀՀ-ում Հունաստանի արտակարգ և լիազոր դեսպանը։
